【婚享會免費送你個人化婚禮邀請動畫貼圖】

 
各位新人,大家有冇諗過點樣通知親朋好友你哋結婚嘅喜訊呢?如果唔想淨係send短訊咁普通,以下呢個婚禮邀請動畫貼圖就幫到你喇!
 
由即日起至4月30號,凡登記成為婚享會Bespoke Wedding嘅免費會員,我哋就會免費幫你訂做一個只屬你倆嘅婚禮邀請動畫貼圖!
 
 
 
大家可以透過WhatsApp,Line,WeChat,同埋 Facebook Messenger 用呢幅獨一無二嘅動畫貼圖邀請親朋好友參加你哋嘅婚禮,既方便又特別,而比起普通短訊,仲多咗一份誠意㖭!
 
各位只要完成以下簡單步驟,就可以免費得到個人化嘅婚禮邀請動畫貼圖:
1. 按此登記成為會員。
2. 登記成功後,你會收到一個welcome email,而email裡面就會見到製作動畫的連結。
3. 填妥所需資料後(包括婚禮日期,新人名方字等),「Orderlooks」便會透過社交媒體及email把動畫貼圖傳送給你。
4. 大家可以將檔案save於電話裡面,然後透過WhatsApp,Line同WeChat,將你哋嘅結婚喜訊,用動畫貼圖形式通知親朋好友!
 
推廣期有限,大家快啲登記啦~!!
 
*如果你已經係婚享會Bespoke Wedding嘅會員,請用你會員登入電郵發信至support@bespoke-wedding.com, 只需在題目標明“婚禮邀請動畫貼圖”,我哋就會係核對後將製作動畫的連結寄給你!
 
 
分類 
趣味資訊

【結婚“送”超豪度蜜月?「Lunch」vs.「 Dinner」婚宴費用大比拼】

近日東方日報探討,由於晚間婚宴洗費越來越高,好多新人都會選擇午間婚宴,所以現在午間婚宴場地嘅需求都不斷上升!而剛巧黃金海岸酒店亦因應午間婚宴嘅趨勢,推出全新證婚酒會場地,各位新人又可以多一個全新場地選擇!

小編早前實地去咗試睇,就等小編為大家介紹一下新場地究竟有咩特色!

是次新落成的是兩個相連的場地,名為The Chapel & Terrace。The Chapel是室內的證婚場地,最多可容納120人,設有獨立新娘化妝間,化妝間內更設有淋浴設施供新娘子使用。

(The Chapel : 全新落成,裝修用料都非常用心,很清雅。)

而Terrace則是與The Chapel相連的半開放透光庭園,可舉行小型酒會,最多可容納300人。而場地設有上蓋,婚宴不會因天氣情況而受到影響。

(Terrace: 感覺極似進入了Enchanted Garden, 夢幻得嚟又好 elegant。)

The Chapel & Terrace 兩個相連場地可一併租借,但新人亦可視乎自己嘅需要租用其中一個場地。價錢方面(星期六、日、公眾假期及前夕),如同時租借兩個場地,80人酒會套餐價錢大概為$6萬8左右。

**********************************

小型酒會呢個價錢當然係又靚又抵,但係如果人數多啲,例如25圍(大概300人),條數又點計呢?點樣先可以慳多啲呢?

日間晚間婚宴費用大比拼*

 

Dinner 婚宴

(中式)

Lunch 婚宴

(中式)

Cocktail 婚宴

(The Chapel & Terrace)

人數

300人

(25圍 X 12人)

300人

(25圍 X 12人)

300人

費用

$9988 X 25圍

(另加一服務費)

= 約$27萬

$8,388 X 25圍

(另加一服務費)

=約 $23萬

$68,800(包80人) + 220人($578@)

(另加一服務費)

=約$21萬

*以黃金海岸酒店為例,價格以酒店實際報價為準。

以25圍嘅婚宴來講,lunch 搞婚宴平咗4萬幾已經不得了,但原來搞 cocktail 仲可以平成6萬蚊!!!講多次,係6萬!!!其實如果雙方及屋企人都接受 lunch 或者 cocktail 搞婚宴,新人真係可以慳唔少㗎!而且因為婚宴時間短咗,攝影師同化妝師都唔使跟足全日,咁呢度又可以慳返一筆!而夾夾埋埋,呢筆慳返嘅錢已經夠去超豪度蜜月!

有見及此,宜家呢個經濟環境真係越來越多人選擇午間婚宴,因為價錢平咗,而又可以維持一個有質素嘅婚禮,大家睇完點會唔心動呢? 

- 婚享會 Bespoke Wedding

 

分類 
婚禮籌備

婚展完滿結束!壓軸大抽奬10/8/2016就有結果啦!

好多謝大家嘅熱烈支持,我哋係夢想島市集婚禮篇的送大禮遊戲已經完滿結束!總值超過30萬的禮品就咁就送哂出去!!好開心當日可以暫時超越網上嘅世界同大家見面互動一番~ 同大家分享一下當日嘅盛況!

準備就緒!

 

 

好多人啊~送咗好多禮品!!

壓軸大抽獎的結果10/8/2016 就會在婚享會網站,婚享會Facebook專頁,東方日報及The Standard公佈,得獎者將會有專人通知!

希望下次再係不同的婚展同大家見面~

分類 
婚禮籌備

週末好去處 - 婚禮市集 荔枝角 D2 Place

今日同聽日駛唔駛為婚禮籌備到左撲右撲?唔想行傳統婚展又想搵特色啲既服務?咁就不妨嚟行吓香港首次搞既市集主題婚紗展喇!

我哋今次婚享會 Bespoke Wedding都聯同好幾間既有特色,又經核實為口碑滿載既商戶一同參展,為大家帶來多項優惠同埋豐富禮品!所以想零壓力行展又想攞優惠,就記得嚟D2 Place 感受吓呢份市集氣氛既婚紗展啦!話唔定嚟行返轉分分鐘有人sponsor埋你哋影結婚相添!

 

以下就係部份抽獎禮品,希望幸運新人就係你!

·      Rex Cheung Photography 送出 香港 Pre-Wedding 婚紗攝影服務   (價值$18,888)

·      Rex Cheung Photography 送出 香港 Country Style Pre-Wedding 婚紗攝影服務 (價值$14,888)

·      Rex Cheung Photography 送出 免費家庭攝影服務 價值($1,500)

·      Ivan Wong Photography 送出 香港 Pre-Wedding 婚紗攝影服務 (價值$16,800 )

·      Photo by Wade W. 送出 情侶相片拍攝服務 2 份 (每份價值$4,990)

及其他豐富獎品,即抽即獎,保證人人有獎!

 

咩話?D2 Place 响邊?咪就係响荔枝角地鐵站 D2出口囉~! 到時見!

 

條款及細則:

1.      每個Facebook帳戶只能參加一次,如發現參加者帳戶為空號或假帳戶(包括但不止於買  Like,自製Like,分身Account etc...),一律會視作違反活動守則而自動被取消資格亦並不會被事前通知。  

2.     得獎者所得之獎項將不能兌換成其他獎項。

3.      大抽獎截止日期:2016年07月31日 (星期日) 晚上19時00分。

4.      大抽獎結果將於2016年08月5日隨機經系統抽出,並會於2016年08月10日於The Standard, 東方日報 及於Bespoke Wedding 婚享會 Facebook 內公佈。

5.      參加者必須 讚好 (Like) 本 Facebook 專頁及於抽獎系統內填寫電郵地址及姓名。

6.      獎項有關之附帶責任將由獎項提供之商戶負責,本公司將不會承擔獎項一切的有關責任。

7.      參加者經是次活動所提交資料及時間將以主辦單位伺服器所收取之數據為準。任何因電腦、網絡等技術問題而引致參加者所遞交的資料有遲延、遺失、錯誤、無法辨識等情況,Bespoke Wedding 婚享會恕不負責。

Trade Promotion Competition Licence No. : 47524

推廣生意的競賽牌照號碼 : 47524

 

分類 
婚禮籌備

今個週末週日係D2place『夢想島市集-婚禮篇』見!

 

非一般的婚紗展!

傳統婚紗展行得多,不如體驗一下婚嫁市場前所未有的市集式婚紗展 -更輕鬆,更多交流,更多分享,重免費入場!Bespoke Wedding 婚享會 作為全港最具規模的真實婚禮評語網站, 都會參與今次嶄新形式的婚紗展!我們更邀請了其中幾位於我們網站「最受歡迎排行榜」中佔榜首的商戶參展,方便大家親自了解他們獨特之處!其中如知名攝影師 Ivan Wong 及 Rex Cheung 都是「絕跡」普通大型婚展的商戶,但為了支持我們,決定參加這次全港首次的婚禮市集!

 

人人有獎,盡享優惠!

當然我們亦與各商戶安排了限定優惠於展場送給大家! 記得到訪我們展位參加我們的「人人有獎」遊戲,贏取飲食禮劵,攝影優惠及其他豐富禮物。重可以參加大抽獎贏取包括以上兩位攝影師送出的「免費婚紗攝影服務」的壓軸巨獎!

 

『真實評語認證』鎖定優質商戶

現在坊間假評,灌水 post 隨處可見,一不小心都會被各個 blog 與 forum 見到的假評矇騙! 想找到有口碑商戶就記得留意我們頒發的評語認證商戶了!展場內經過我們審批其評語真偽的商戶會得到我們的「真實評語認證」,準新人參考完真實評語才落訂,自然就多一重保障啦!

今個星期六,日係 D2 Place(荔枝角 D2 出口) 見大家喇!


 

 

 

分類 
婚禮籌備

去婚紗展只為索取資料?

 

去婚展究竟是否婚禮籌備中的指定動作?大部份人都會答「係」!因為婚展不但將各種婚慶業的商戶集中在一起,省卻大家左撲右撲上門查詢的麻煩,更提供各種優惠鼓勵即場購買。所以就算需要入場費,準新人於籌備婚禮的過程中都一定會逛婚展。不過隨著近幾年婚展越開越密,撇除各種酒店或特色場地的獨立婚展不計算在內,光是大型展覽場地的婚展總數已多達一年13次(回想5年前一年只有5次婚展)!這種展覽週期讓準新人與商戶在面對婚展的態度與期望都有了相應的調整。

在婚展尚未氾濫的年代,準新人都會看準日子,把握機會在會場認識最新的婚慶潮流及爭取以場內優惠價落訂選購。不過近年發展到每個月都有婚展,很多新人在我們平台撰寫的用後評語中都有提到他們會去好幾次婚展, 目的大多是為了拿價目表或單張, 收集資料後才選擇幾間相約見面。更有新人於評語中提到以往所謂的「展場限定優惠」,其實於非婚展時都可享有,有時甚至會有更低的優惠。

對於商戶,因為在婚展擺檔的費用門檻高(平均每個單位$2萬至3萬或更高,視乎場地大小),除了宣傳費較寬鬆的大公司外,其他個體商戶要參與一年13次的婚展基本上是不可能的。結果很多有質素的個體商戶因負擔不起此筆宣傳開銷而止步於婚展場外。 對於準新人,這不但代表每次在婚展中見到的商戶其實只是市場上的一小部份,而每月多次重複見到相同的商戶參展也只會加倍凸顯會場內的選擇有限,令準新人更謹慎地尋找其他渠道以獲得商戶資訊。久而久之,當商戶於婚展所得到的生意額越來越少,只會導致更少商戶參展,讓消費者的選擇更加少。

話雖如此,婚展仍然有它的價值和吸引力,因為它始終可以讓準新人在一個展場內親自接觸到不同的商戶,對商戶的服務態度有更具體的概念,亦可以親身看到,觸摸到各類型的貨品如婚紗,戒指,囍帖等貨物的品質,對具體的質素更清楚了解。對於正在籌備婚禮的準新人,要好好利用婚展,應該先做好資料搜集, 參考其他新人的評語,選定幾間心水商戶,再在婚展與商戶親身接觸,才落實購買。

至於婚展前的資料搜集到底要如何入手?我們 Bespoke Wedding婚享會整個平台就是為了幫助準新人籌備婚禮而設的。平台內涵蓋市場上大部份商戶的基本資料,不論酒席,攝影師,婚紗晚裝,化妝師,場地佈置,甚至證婚律師都一應俱全。準新人可於落單前參考其他新人所撰留的評語及使用體驗,幫你提高信心鎖定有口碑商戶!平台內更有便利的商戶報價shopping cart系統讓你一次向所有商戶索取價目表或查詢商戶在你的婚宴吉日的檔期, 費用全免。婚禮一生人一次,希望婚享會可以幫到你!

 

想利用婚享會的商戶清單shopping cart服務?方法好簡單:

第一步成為會員

第二步例如你想找尋攝影師,可以到Bespoke Photo參考其他新人的評語或利用搜尋器,然後將想聯絡嘅攝影師加入我的商單”

 

第三步將所有心水攝影師加入我的商單”後,可以繼續選擇婚宴場地租衫化妝,花球及場地佈置等,把所有商戶加到同一個清單,然後按“確認清單” 

第四步確認你已選擇嘅商戶及個人資料後,選擇你想要查詢的項目,然後按“確認及送出”一次聯絡所有商戶!

Happy Wedding Planning!

分類 
婚禮籌備

婚享會推出 '商戶清單' 服務 等你免費一次過聯絡所有商戶

 

籌備婚禮已經咁多嘢煩,點樣先可以快捷方便啲?婚享會推出 '商戶清單' 服務,等你一次過用電郵聯絡所有商戶!方法好簡單,而且費用全免!

 

第一步成為會員

 

第二步聯絡嘅加入我的商單”

 

 

第三步將所有心水加入我的商單”後,重可以將其他婚禮服務商戶, 例如攝影師, MUA等都放入張“清單”,然後按“確認清單” 

 

第四步確認你已選擇嘅商戶及個人資料後,按“確認及送出”一次聯絡所有商戶!

 

Happy Wedding Planning!

分類 
婚禮籌備

Disney 全新婚宴主題,為繁忙的妳籌備夢幻婚禮

 

Disney 啲嘢有幾靚就真係唔駛多講。早前佢哋grand launch 咗兩個全新主題「皇室盛宴」同埋「瑰麗戀曲」。靚就真係好靚,但見慣靚嘢既香港人一定要知道今次唔單止靚,重要係舊theme有reboot而新theme大家又未見過,各位bride想搞一個獨有又“Wao!”到人既婚禮又多個選擇啦~!

 

「瑰麗戀曲」

「皇室盛宴」

 

引入多元化播片音樂及燈光元素

立體投影蛋糕都幾特別,遠睇老實講都只係睇得出係一舊蛋糕型既擺設,但啟動咗都幾特別,片段開頭唔單止有Disney既主題人物,原來後接既片段係可以俾新人話事,用佢哋既相片連接起嚟!加埋背後打燈同埋Disney一貫既動人音樂,整體加起嚟都真係幾靚幾難忘既~!

 

細節體貼全面,為籌備煩惱減減壓

搞婚禮有幾煩真係過來人或者兄弟姊妹一定明白,而Disney今次showcase不單只係靚setting同埋靚食物,佢地處處為新人著想幫新人諗埋細節位先真係最impress到我哋既。經佢地搞可以諗少幾多嘢呢?

 

[場地佈置]:真係行入嚟就得,宜家仲有兩個新主題,真係乜都幫妳搞掂晒!

 

[燈光影音]:好多場地AV配套都要check真D,但Disney話晒做開娛樂,呢環又擔心少樣~!

 

 

[娛樂元素]:入嚟Disney擺酒有Mickey Minnie都可能預咗,但啲仔細位例如每一味餸都有少少Disney元素就係心思所在喇。小編當日見到個燉湯裡面連個冬瓜都係Mickey嚟既,見佢响度浮吓浮吓都咪話唔得意~! 剩係每一味餸等賓客玩Disney photo-hunt 都夠好玩啦!

 

 

[雜項雜項雜項]:所謂“百密一疏”就係邊諗得到咁多吖~! Disney深明呢一點!唔理係利士封到簽名筆,靚packing嘅朱古力回禮禮物,定係戒指枕到小小既note card都有,真係煩少一樣得一樣呀!

 

分類 
婚禮籌備

打手們,俾我放工好唔好?

 
最近看到經濟日報沈帥青先生撰文講述網購公司Amazon向假評語和打手宣戰的報導,而其他同行的評語網站如Tripadvisor 和本地的Openrice都一樣面對假評的問題。看到新聞不期然對這狀態有非常大的認同感,文中提到的道高一尺,魔高一丈,真的說盡我們打假的辛酸!
 
很多商戶都知道評語的重要性,因為講到底一對新人結婚是很缺乏經驗而往往依靠身邊或網上的各種「推介」作參考。作為一個評語網站,在收到的眾多評語當中,很多新人都真心希望感謝幫過自己的商戶或把籌備過程仔細分享,但當中都不乏各式各樣的假評語滲入在內,需要眼利的編輯們分辨真偽。
 
假好評 - 夫唱婦隨
記得有2篇「經典」評語在收到的時候令我們編輯部啼笑皆非。話說系統裡連續收到一篇從新人A小姐提交關於一篇攝影師,及一篇經新人B小姐提交關於化妝師的評語。因為我們是每一篇評語都必須經過審批盡量確查屬實才能被刊登的,而第一篇評語是講到這位新人A小姐找到這位攝影師時「剛巧」得知他的太太原來是一位化妝師,細節當然是兩位都聘用而服務當然是好好完全滿分。好了,隨後另一篇評語就是同一情況但是角色調換!新人B小姐找到這位化妝師時又「剛巧」得知她的丈夫原來是一位攝影師,細節亦當然是兩位都聘用而服務當然又是好好全面的五星級服務。拜託,世事真的會這麼巧合嗎?
 
假劣評 -惡意攻擊
假評不一定是自我吹捧好服務的,也有很多是惡意攻擊,故意於網路散播虛假評語希望藉此抹黑該商戶的商譽。當中的因由其實很難參透,有機會是同行故意偽篇一段評語攻擊其附近的同行競爭對手,也有可能發生了一些與婚禮服務無關的爭執而刻意把該商戶劣評。例如有一天網站收到一篇對某化妝師的BigDay化妝服務評語。內容是關於一位顧客報名上了該化妝師開的化妝班,被游說購買了化妝品後覺得後悔而把其關於婚禮化妝服務的評分都打上很低的分。更可笑的是,既然稱得上是“新娘Big Day化妝”服務評語,用後評語很自然應該是一個過去了的日期吧,而該「顧客」所填的日子竟然是未來2016年的12月!
 
當一間餐廳被假食評誤導時,最多下一餐不再光顧。但婚禮不一樣,一生人一次,被假評語誤導便可大可少! 以上這些評語當然沒有被發佈,以免混亂大家的目光。而我們真心的希望各商戶既然都決定投放時間建立自己商譽,倒不如認真的對待自己的服務而不要走歪路去造假或攻擊他人。以後有機會再跟大家分享其實網民的眼睛是雪亮的,我們普遍的人都是有看出假評語的能力,所以打手們,請不要再作假欺騙大家,更重要的是,不要再增加我們的工作量好嗎?
 
經濟日報原文:http://bit.ly/1RnxYaz
伍浩翹
從事網站編輯工作,經常慨嘆生活和社會變得太快,經常提醒自己「唔試過點知唔得!」。 
 
分類 
婚禮籌備

頁面